Algengar spurningar

 
passamynd-okuskirteini.jpg

Get ég komið með eigin mynd í vegabréf?

Svar. Þú mátt koma með eigin mynd fyrir endurnýjun á vegabréfum. Sýslumaður tekur mynd til staðfestingar. Ef þú ert ekki með eigin mynd verður myndin frá Sýslumanni notuð en þær eru mun lakari að gæðum en það sem við bjóðum upp á.

 

Get ég notað sömu mynd í vegabréf og ökuskírteini?

Svar. Fyrir vegabréf og erlendar vegabréfsáritanir er passamynd bara andlitsmynd, horfa beint fram og ekki brosa. Lýsingin er beint framaná sem er ekki til þess fallin að láta fólk líta best út. Fyrir íslensk debetkort, ökuskírteini og fleira máttu vera glaðleg/ur og lýsingin má vera betri innan vissra takmarkana. Stutta svarið er "já" en þú getur líka fengið útprentað annað eintak sem er "betra". Láttu okkur vita hvað þig vantar.

 

Hvað er innifalið?

Svar. Þú færð 6 eins útprentaðar myndir og myndina senda í tölvupósti. Þannig geturðu notað hana fyrir rafrænar skráningar, í félagsmiðla og fleira.

 

Geymið þið myndirnar?

Svar. Við geymum myndirnar þannig að þú getur fengið aukaeintök síðar. Ef þú ert ánægð/ur með myndina þá geturðu líka fengið hana stækkaða gegn smá gjaldi.

 

Get ég fengið svart hvítar myndir?

Svar. Auðvitað. Bara spyrja kurteisislega...

 

Hvað kostar?

Svar. Grunnverð er 4.900 kr fyrir myndatökuna, 6 útprentaðar myndir og 1 stafræn send í tölvupósti. Upplausnin er 600x800pixlar. Myndataka fyrir CV kostar 6.900 en þá gefum við okkur aðeins meiri tíma og þú mátt brosa ;-)

 

Fjölskylduafsláttur - magnafsláttur!

Svar. Við veitum afslátt fyrir fjölskyldur, hópa og gerum tilboð fyrir stærri fyrirtæki. Talaðu bara við okkur.

Afsláttur fyrir eldri borgarar og öryrkja.

Svar. Við veitum 10% afslátt fyrir eldri borgara og öryrkja.

Endurnýjun ökuskírteina fyrir eldri borgara.

Svar á vef samgöngustofu: “Umsækjandi sem orðinn er 65 ára eða eldri þarf að framvísa læknisvottorði frá heimilislækni þegar sótt er um endurýjun á almennum ökuréttindum. Gefi annar læknir vottorðið út skal umsækjandi upplýsa hvers vegna. Vottorðið má við umsókn ekki vera eldra en þriggja mánaða.

Ljósmynd þarf í flestum tilvikum að fylgja umsókn við fyrstu endurnýjun á almennum ökuréttindum. Ljósmynd vegna ökuskírteinis er ekki hægt að láta taka á skrifstofu sýslumanns.”

Aldur umsækjanda - Gildistími
65 ára en ekki orðinn 70 ára - 5 ár
70 ára en ekki orðinn 71 árs - 4 ár
71 árs en ekki orðinn 72 ára - 3 ár
72ára en ekki orðinn 80 ára - 2 ár
80 ára - 1 ár

Get ég fengið fleiri en 6 myndir útprentaðar?

Svar. Auðvitað. Það fara 6 myndir á örkina þannig að það verða 6, 12, 18 o.sfrv. Aukaútprentun kostar 1.500kr.

 

Nú vantar mig bara mynd á stafrænu formi - e. biometric?

Svar. Ekkert mál. Það kostar 4.500kr.

 

Bjóðið þið upp á aðrar myndatökur?

Svar. Við erum í mjög fjölbreyttum verkefnum fyrir einstaklinga, fjölskyldur og fyrirtæki . Hér er heimasíðan okkar: www.ljosmyndastofa.is